Bebbi BänggBasler Schnitzelbägg |
|
tAggtivischte 2025
Vorschtelligsbangg
Zum aafoo säggs Klaari, hopp in Maage
Drno fümf Kaffi, mit Sytewaage
Wyter mit Bier und nach vier Kischte
Schtöhn drey Bängg vo de tAggtivischte
Mr gsehn alles dopplet, hänn e Fahne
Und brünzle euch jetz e paar Värsli aane
Melodie: Meierysli - Mani Matter
Olympia
Dank Olympia kasch jetz d’ Saine aabe schwimme
Numme bhaltet dy Darm ab denn nüt me dinne
Entdeckt hän d’ Pariser au dr Wiggelfisch
I hoff sy tschegge, dass das kai Doggi-Bäg isch
Recycling1
Dr Lo-mi-draa-Deggel lampt mir, gopferdeggel
Immer in d Schnuure, s’ Gsöff lauft näbeduure
Und hilft das im Meer? I bezwyyfle das sehr!
Wo’s nur Deggel het ghaa, hängt jetzt d’ Fläsche mit draa
.
Summerzytt
D Zyt-Umschtellig schoht vor dr Düüre
Im Winter zerscht zrugg, jetzt scho wieder füüre
No schlimmer isch es um d Amis bschtellt
Im Jänner hänn die grad vier Johr zrugg gschtellt
Melodie: Pippi Langstrumpf – Jan Johansson
AHV (Dialog)
2 mol 3 macht 4 widdewiddewitt und 3 macht 9
Mit dr AHV nämme sys z’ Bärn nid so genau
Uf die vier Milliarde Hollahi-hollaho-holla-hopsasa
Chöm mr ewigs warte Will d’ Formle tscheggt kai Sau
Und d’ Krankekasse goht uffe Au als Gsunde zahlsch e huffe
D’ Prämie duet im Nütt verpuffe Y wünscht Y könnts versufe
S’ Bethli Baume-Schneider Het kai Plan aber grinst heiter
Dr Sozialschtaat goht an Rumpf S’näggscht mol wähli ...
... Dr Beat Jans? ... Nei, d’ Pippi Langstrumpf
Bundesrööt (Dialog)
D Bundesrööt find ich rächt ööd
S Bethli Schneider macht uf heiter
Dr Parmelin kasch de Hase gäh
Und dr Gassis wöttsch nid gratis
Mit de Amhärd hets au kai Wärt
Aber bi dr Sutter isch d Friise super
Klar dr Röschti isch dr Gröschti
Aber voll und ganz mit Charme und Glanz
Bringt’s halt nur dr Beat Jans?
Nei … d Konkordanz!
Katzemuusig (Dialog)
Findet ihr au das tönt gruusig?
D Schwoobe schtöhn jetzt uf die Muusig!
Mir macht’s in de Ohre weh
Kei Wunder, ich schpiel A - F - D
Melodie: Alperose – Hanery Amman/Polo Hofer
Volli Bloose
Unt’re Rhywäg in’re Summernacht
D’ Kids hänn wieder Party gmacht
S’ isch immer s’ Glyyche, Nacht für Nacht
Grööle, Suffe und e Abfall-Schlacht
Volli Bloose, kunnt’ne denn in Sinn
Nid in d’ Hoose, dängge die wo mien
Zwanzig Doose, hänn die sicher drin
Wo nääbe uns an d’ Wand saiche dien
S’ Bänggler-Läbe isch au kai Schlägg
In jedem Käller hausch drey Waggis wägg
Hättsch no gärn e Gleesli Wysse gnoh
Muesch scho wieder uf dr Bühni schtoh
Volli Bloose, kunnt uns jetz in Sinn
Nid in d’ Hoose, dängge mir wo mien
Kumm due loose, Tschegge loss’n dinn
Kasch nid saiche währenddäm mr singe dien
Wär sufft muess saiche, lüchtet jedem yy
An jed’re Fasnacht holt’s uns wieder yy
Und dorum hänn, ändligg gsehn Y’s yy
D’ Brunzguttere - Brunzguttere drbi
Melodie: E Bueb mit Name Fritz – Mani Matter
Troschtpflaschter
Es gitt e Greis mit Name Joe
Mit em schwätze klappt’s nümm so
Är fliegt uf d’ Schnuure, nodisno
Me muess scho froh si, kann’r schtoh
E Riebli-Kopf mit Name Trump
E Hietli wie dr Forrest Gump
Zwei grossi Ohre, s’ ainte lampt
Bim Löchli schiesse hänn si gschlampt
Jetzte längt’s sait Ka-ma-la
Sone riese Ga-la-ma
Mit dene alte Hamm-el-da
Wött ich uf kai Fall no-mol-ha
Druff aabe meint dr Elon Musk
Dass’m d´Kamala nid passt
Findet dr Trump isch e Geniale
Kauft nach X drum au no d Wahle
Und so gwünnt am Änd dr Dööfschti
Maint drzue är sig dr Grööschti
Jetz sin mir, kumm y trööscht di
Sogar froh, hänn mir dr Rööschti
Melodie: What’s Up - 4 Non Blondes
Globus
Dr Globus isch jetzte in Thai Händ
Drum heisst dr neuschti vo de Globi Bänd
“Schaiawaia in Pattaya”
Scho bald gits in dr Delikatessa
Massage mit allne Rafinessa
Und uf Wunsch mit Häppy Änd
Sogar Parfüm kaufe macht jetzt Spass
Sytt dr Witerbildig in dr Oggsegass
Dien si d’ Waar no besser zaige
Aber sinn das wirgligg alles Fraue?
Dynne Auge kasch jo nümme traue
Do hilft nur ains: E Griff in Schritt
Und schreit äs oy oy oy oy - oy oy oy
Und schreit äs oy - isch’s e Lady-Boy
Jo, so macht dr noi oi oi oi - noi oi oi
So macht dr noi - Globus wieder frooooid