Bebbi BänggBasler Schnitzelbägg |
|
Bangg Rott 2017
He, kasch mir finf Stutz leene?
Gäld? - Ha ych scho lang kains mee,
e Loch isch in mym Bortmenee.
Ych glaub, ass ych saage sott,
mir zwai Bänggler sin Bangg-Rott.
dr Herr Burckhardt het au Fraid draa ghaa.
D Frau Burckhardt findet nüt do draa,
au dr Herr Burckhardt zieht si mängisch aa!
Dr Herr Burckhardt goot ins Eglisee,
im Fraueli go Burkini see!
Kaini merggds - äär isch e Maa,
will äär het e Burka aa.
dr Erdogan, das isch e ...!
D Frau Burckhardt dänggt derby:
„dää kennt em Trump syy Brueder syy!“
D US-Waale sind spannend gsi,
wird äär gwäält – oder sie?
Es isch dr Trump – dä dummi Strääber,
statt Blueme schigge mir dr Eric Wäber!
isch glaub dr Kanton Baselland.
Vo Lieschtel oobe aabe hörscht:
„Bauet Muure - Rammel förscht!“
Melodie: "Atemlos durch die Nacht“
Si dryybe zämme Wahlkampf, birgerlich und rächt,
si byydere sich a, mir wird eerlig schlächt, oho oho
Me seet si in de Strosse, si hängge iiberall,
an de Littfass-Siile, an jedem Gaissestall, oho oho
Rhyschwumm hät ych nie vermisst, Bilder wo me nie vergisst,
s Viererticket, isch e Hoon, mache sich zem Gloon!
Chancelos bi dr Wahl, fir d SVP isch das e Qual.
Chancelos ass Regierigsroot,
wo aaneluegsch numme grien und rot!
Chancelos Nägeli, wytter Grangewäägeli.
Chancelos isch d SVP - Basel, was wotsch no mee!
Jo, Herr Eymaa, sii hän rächt!
Doch d Frau Burckhardt het e Wuet,
„mit dr Burka goots nit guet!“
Kuum zieht myy Kind e Burka aa,
het si in Mathe scho e Säggser gha.
Sy het dr Lehrer yynegleggt
- het ihri Nochhilf drinn versteggt!
Bi zue, wie kumm ych numme hai
Das isch e Depp, dä Meier 2
Dr Baschi bringt di gratis hai!
Ych hätt e Värs vom Trump bereit!
Aber s gilt „Inländervorrang light!“,
Wenn mir dää jetze wurde singe,
mien mir ain vom Glarner bringe!
He, kumm doch, kumm zu miir,
wo hesch denn dyy Verstand’
He, kumm doch und saag mir Griezi,
kumm gib mir dyni Hand,
in Therwil git me d Hand,
kumm gib mir dyni Hand!
Kalti Händ, braggdisch isch das nit,
zem sms-le ischs kai Hit.
Hesch e iPhon, bisch e Lapp -
i, Samsung hett e Haizigs-App!
Jetzt in d Beiz u nd denne hai!“
„Meier 1 verstande“ - und äär straalt,
will s jo dr dürri Baschi zaalt!
D Frau Burckhardt, die rüeft ihrem Maa:
„lueg, ych ha jetz d Burka aa!“
D Frau Öztürk sait zem Sohn:
„pass uff, das isch e Horror-Gloon!“
dr Vladi Putin bi de Russe.
Nordkorea het dr Kim,
- dr Köppel isch fascht grad so schlimm!
Mir gänds jo zue, mir hän glooge,
wie dr Hoeness Stüüre hinterzooge.
No dr Kischte, wirsch es see,
sin mir denn Präsi vom FCB!
als "Zentrumslaischtig" anerkannt!
De Stedter saage mir jetz: „Dangge!“
D Landschäftler zaale jee zää Frangge!
Mir haue s jetzt – das isch e Gschängg,
gsunge hän mir alli Bängg,
Vom Wirt e Gschpritzte, das wär flott!
Mir zwai Bänggler sind Bangg-Rott!