Bebbi BänggBasler Schnitzelbägg |
|
Bangg Rott 2018
He, kasch mir finf Stutz leene?
Gäld? - Haa ych scho lang kains mee,
e Loch isch in mym Bortmenee.
Ych glaub, ass ych saage sott,
mir zwai Bänggler sin Bangg-Rott.
“Ick bin ein Berliner”, said dr Kennedy,
“Yes we can”, fallt em Obama yy,
dr Trump dää twitt’red dr Melanie:
“How do you write - Schenyy?”
dr Constantin het em Aini glänggd!
Mir finde das nit scheen,
dä Constantin het s „Hooli – Gen“!
Hesch scho ne moll dää Burgener gsee?
Dää syyg schyynts Breesidänt vom FCB.
Im Musical-Theater ha en gsee,
als Phantom of the FCB!
Die dien daas nit richtig seeh,
denn wenn ych noochedängg in Rueh,
goot d Boscht nit ab, nai d Boscht goot zue!
U N E S C O W ä l t k u l t u r e r b : O f f i z i e l l e A g g t
| Basler Fasnacht | Wältkultur |
| Drummle, Pfyffe | Wältkultur |
| Guggemuusig | Wältkultur |
| Waggiswääge | Wältkultur |
| Zeedelschryyber | Wältkultur |
| Schnitzelbänggler | Wältkultur |
| Mir zwai do | Wältkultur |
| Ihr do unde | Wältkultur |
| Fasnachtskiechli | Wältkultur |
| Ziebelewaie | Wältkultur |
| Faschtewaie | Wältkultur |
| und Mählsubbe | Wältkultur |
| Cortege laufe | Wältkultur |
| Z Nacht go gässle | Wältkultur |
| Vierischlag | Wältkultur |
| Säggsilütte |
Wääg dämm Wältkultur-Dings ha mi gfroggt,
will die Froog mi eehrlig bloggt!
Saag was hesch denn nit begriffe?
Isch dr Wessels au inbegriffe?
Die Migroswichtel, hools dr Gugger,
seehn uss wie glaini Basler Schugger.
Dr Baschi Dürr dää kennsch grad guet,
dr Glai,wo am lütschte piepse duet.
d Helfti hänn miir denn vergässe,
drey Moonet speeter - lueg daas aa,
hänn miir Inseggteböörger ghaa!
Bim Rhyyputz gumpe mir in Rhyy,
was mir all’s finde, s kaa nit syy:
Herrevelo, Trottinett,
Würschtligrill, e Fääderbett,
Boormaschiene, Bluemetopf,
Stuubetischli, Hoosegnopf
Zwai Gebiss, e Muusefalle,
Fischerstiefel, Gürtelschnalle,
Grimpel, Sperrmill, s isch e Schand!
Daas schwemmt s yss aa uss Baselland!
es goot e stargge Wind!
Ä Rammel uss em Baselbiet,
dä chratzt sich grad am Grind.
Das isch doch nur e Stürmli gsi,
kei Chaos macht d Burglind,
Ganz anderscht: Pegoraro, Lauber,
Wäber, Räber, Gschwind!
D Baselbieter, s isch kai Witz,
sin die Schlauschte in dr Schwyz!
S Läufelfingerli wänn si bhalte,
und dr Fluchtwääg no Basel offe halte!
hänn is d Rammel gschlaage,
als Basler mien miir daas erdraage!
S wäär nit neetig ass die fräche Sieche,
am Margrethestich no wytter mieche!
E Säuli schlachte – oh herjee!
He nai, das will doch niemerts see!
Das isch nit was dr Herrgott wett !
“Fräulein - no e Schwyynskotlett!”
als "Zentrumslaischtig" anerkannt!
De Stedter saage mir jetz: „Dangge!“
D Landschäftler zaale jee zää Frangge!
Mir haue s jetzt – daas isch e Gschängg,
gsunge hänn miir alli Bängg,
Vom Wirt e Gschpritzte, das wäär flott!
Miir zwai Bänggler sin Bangg-Rott!