Bebbi BänggBasler Schnitzelbägg |
|
Bangg Rott 2019
He, kasch mir finf Stutz leene?
Gäld? - Ha ych scho lang kains mee,
e Loch isch in mym Bortmenee.
Ych glaub, ass ych saage sott,
mir zwai Bänggler sin Bangg-Rott.
„Shutdown“ haissts, wenn nyt me goot,
„Shutdown“ haissts , wenn d Wirtschaft stoot!
Uff Baseldytsch haisst dää Prozäss:
Fertig luschtig – Muschtermäss!
in dääre Froog isch äär e stuure
und jeede Daag wird äär no stuurer -
Mir schigge im dr Ueli – Muurer
Auf de Schwäbsche Eisebahne ...
Im Bundeshuus e grosses Fescht,
dr Berset, dää begriesst denn d Gescht!
Dr Cassis zaigt de Gescht denn d Blätz,
Dr Muurer sait denn zwai, drey Sätz!
Sommeruga spiilt Klavier,
dr Palmelin bringt Wyy und Bier,
Frau Keller-Suter und Frau Amherd sind au draa,
verkaufe Leesli voo dr Tombola!
Mainsch du ass das wirgglig goot?
Drey wyyblig, drei männlig – ai Null? Oh!
Nai - drey Fraue, drey Männer, ai Martull - Oh!
Bundesreetin wett si gaar nit syy,
sait d Frau Schneider-Schneiter hindedryy!
Immer z Bärn soo ummelaufe
und Tombola-Leesli verkaufe!
faahrt no St. Louis mit sym Dramm!
Dr Mob duet syyni Näärve teschte:
jetz kauft äär sich e gääli Weschte!
Pony rytte nimm am Petersblatz!
Fiir Chaise-Resser het s kai Blatz!
Kaini Heerner bikunnt e Kueh!
Und s Schoof – Egg isch maischtens zue!
S het fir neyi Hetzer Blatz?
Drumm saage mir eych jetz gaanz lyysli,
au die ney Baz isch fir s Hyysli!
D Bündner sin uuhuere froo,
isch de Trump daas Johr nit koo.
Siin Wunsch bim Wiederseh,
Chur bis Davos - e Muur uss Schnee!
Fyyr im Dach bi dr BVB!
Au dr Chef het kai Idee -
graad wie bim FCB!
“Inter Mailand“ – daa'sch e Team!
Dr Burgener maint: "this wäär my Dream!"
Uss em FC Basel – dää isch nit bache,
will äär „Inder Basel“ mache!
gschpängschtig, gfirchtig, nyt passiert!
Lueg do die Gruft - äär sait nur lyysli:
do ufferstoot, dr Läppli und dr Myysli.
Dr Tschudi Gilles als Läppli Theophil ...
... doderzue saag ych nit vyyl.
S Röösli maint: ych bitt, ych bitt,
sit Lüthi und Blanc - maag ych dää nit!
drugge uff dr falschi Knopf!
Waas yys eehrlig quäält,
e baar vo eych hän die no gwäält!
„Ich liebte ein Mädchen“ (in Memoriam Ingo Insterburg)
Dr Präsi isch im Gsicht gaanz root,
e Buschi schlooft im Grosse Root!
Au d SVP sait: keini Goofe,
numme Groosrööt derfe schloofe!
Isch daas Buschi ächt e Kloon!
Vyylicht e tirkische Spioon?
E andr’e Grossroot maint - emänd -
Daas isch e russische Aagänt?
Dr Frehner lütt’ im Blocher aa,
will Root vom Iibervater haa
und wettet syyni rächti Hand:
„Das Kind, daas isch e Asylant!“
E Schlooflied singt me im jetz voor:
Frau Ackermaa mit Griene-Chor.
Das Buschi, daas find’ niemer toll,
es stinggt e bitz, het d Hoose voll!
Daas Buschi isch, maint ain vom Daigg,
doch numme do wääg em Klymastraigg!
als "Zentrumslaischtig" anerkannt!
De Stedter saage mir jetz: „Dangge!“
D Landschäftler zaale jee zää Frangge!
Mir haue s jetzt – das isch e Gschängg,
gsunge hän mir alli Bängg,
Vom Wirt e Gschpritzte, das wär flott!
M ir zwai Bänggler sind Bangg-Rott