Bebbi BänggBasler Schnitzelbägg |
|
Bangg Rott 2020
He, kasch mir finf Stutz leene?
Gäld? - Ha ych scho lang kains mee,
e Loch isch in mym Bortmenee.
Ych glaub, ass ych saage sott,
mir zwai Bänggler sin Bangg-Rott.
Mexit isch, wenn d Megan goot!
Wexit isch, waas me guet verstoot,
wenn dr Hampe Wessels goot!
D BVB lyttet de Aktivischte aa:
„Mir sette am Samschtig e Deemo haa,
hogged uff d Schiene, ass me nimm ka faahre,
soo ka me Drämmli-Chauffeur spaare!“
Ych bikumm kai Ozeanium.
Wenn daas die ainzige Sorge wääre,
jetzt brennt s au bi de schwaarze Bääre.
D Sportler uss Russland händ rächt toobt,
die sind gschpeert, will si händ doopt.
Em Embolo goots au e eso,
dämm händ si s Auti-Billjee gno!
Miir sin zwai Schwyzer und miir hän vyyl Gschpass,
stolz uff dr Franke und uff dr Schwyzerpass
Holeduli ...
Mir chömme uss Buebedorf und hai es Prinzip,
aine in Trainerhoose, dää wai miir nit!
Holeduli ...
In dr SVP-Baiz „zem rächte Wurm“,
vo deene bruune Epfel wird miir stuurm!
Uff s Menu 1, doo kaasch lang waarte,
Rööschti - isch gstriche vo dr Karte!
Dr Frehner, lueg wie luegt dää quäält,
me het in jetze nimme gwäählt!
Mir kenne s guet begryffe:
Dää isch kai Liecht und au e Pfyffe!
Miir hän im Hallwyylersee,
e Krokodil deert baade gsee.
Glais Hirni, groossi Schnuure, nit vyyl mee,
ych glaub doo schwimmt dr Trump im See.
e super-spitze Trump-Värs-Kracher!
S ainzig was dii jetze quäält,
du hoffsch dää wird denn wieder gwäält.
Dr Rolf Knie, mir händ nit glacht,
het sich iiber d Greta luschtig gmacht.
Dämm ghöört dr Arsch versoolt:
Lieber vom Lääbe zeichet, ass vom Rolf Knie gmoolt!
Hochsail, Ressli, Clownerie.
Bim Circus Royal gits kai Loohn
und dr Breu isch nur e Gloon!
An dr Party bim Prinz Andrew dehai,
Can you see the legs, the Maitli-Bai!“
Doo saag ych denne zue dämm Swinger,
dämm sait me jetze ney: Gliggsbringer!
do laufsch e Stund bis dää kasch see!
Du muesch nuur e baar Joor waarte,
denn kunnt dr See grad bis an Gaarte.
D Wält verschtiggt, Blaschtig iiberall,
miir luege uffs Klima, uff jede Fall!
Doo inne in dämm Goschtyym – daas isch glaar,
alles vo Wiirm und Maade abbaubar!
Fasnacht Oeko – loogisch
Melodie: Ich liebte ein Mädchen ... (In Memoriam Ingo Insterburg)
In Basel doo isch eppis loos! D Klimajugend goot uff d Strooss!
Miir finde s guet, gaar nit fatal - au s Fasnacht-Klima wird neutral!
Die Goschtyym do, wo miir do händ, sit Joore sin die Seggendhänd
und unseri Värs, jo eehrlig woor, rezikliert vom letsche Joor!
Und weer am Cortege mitmarschiert, bruucht Laarve mit Papier gaschiert!
D Guggemuusig seehts au yy - d Gugge mien uss Kartoon syy!
D Goschtyym uss em Broggi ghoolt, die alt Latärne iibermoolt,
am Cortege nuur ei Daag derby, daas spaart fiir alli Energie!
D Basler Fasnacht, s isch genial, Bangg Rott mach si klima-neutral
S Comitee verteilt jetz Buesse, wenn Veganer uff me Kalbfäll ruesse,
Pfyffe, joo daas find ych scheen, numme bitte nit soo hoochi Töön!
D Baizer, die händ auch scho gsait, Määlsubbe nuur bi Candlelight.
Au wenns de Naarre gaar nit gfallt, d Kuchi blyybt ab säggsi kalt!
D IG Wääge diend beschliesse, kai Orange, numme Öpfel schiesse.
D Waggis, die sind au derbyy, komposchtierbaar mien jetz d Räppli syy!
E Waageclique duet jetz d Roose sälber zichte – au d Mimoose.
Statt de Dääfi, daas macht Sinn, gits jetze döörti Öpfelring.
D Basler Fasnacht, s isch genial, Bangg Rott mach si klima-neutral
Traktore die dien Luft verpeschte, me will Elektrotrotti teschte.
E Waggiswaage, s isch nit glooge, dää wird jetz vo Waggis zooge!
Ross als Zuugtier – alli murre, will daas Ross, das ghait uff Schnuure!
Küeh goot nit, wie me waiss, z vyyl CO2 – wääg em Scheiss.
Latäärnli numme Keerzeliecht - daas wäär scheen, wenns jeede miecht,
Au wenn s z erscht mool e keine maag, d Ladäärne het Solaaraalaag!
Dr Zuug uss Ziiri, faahrt nur bis Brugg, stoot zwai Stund – denn wiider zrugg!
Vo Bäärn blyybt äär in Olte stoo, die selle doch ins Wankdorf goo!
E grieni Fasnacht daas isch schlau, alles Grien, nuur miir sind blau!
als "Zentrumslaischtig" anerkannt!
De Stedter saage mir jetz: „Dangge!“
D Landschäftler zaale jee zää Frangge!
Mir haue s jetzt – das isch e Gschängg,
gsunge hän mir alli Bängg,
Vom Wirt e Gschpritzte, das wär flott!
Mir zwai Bänggler sind Bangg-Rott!