tAggtivischte 2026

Menü:
»tAggtivischte
»2026
»2025
»2024

Melodie: Made in Switzerland – Lukas Hobi
Gundeli
Was bietet aim Basel - wemme z Basel isch?
E vegani Uni und e rauchfreys Joggeli?
Also, ych schtand uf dr Äscheplatz und s Hafebeggi drey,
Aber s Beschte kunnt halt uss em Gundeli. Will …
Made im Gundeli, isch em Tell sy Platz und Unser Bier.
Made im Gündülü, isch s Balkan-Baseldütsch.
Made im Gundeli, und wenn de uf e Flohmi gohsch
Findsch dött dis gschtohlne Velo - Made im Gundeli.

Melodie: Meierysli - Mani Matter
Le Chat qui rit
Kumm grad uss de Ferie - bi froh isch s vrbyy
Mit gruusigem Kaffi - und däne Vache qui rit.
Will was bruucht e Basler - abgseh vom Rhy?
Dr Barfi, e Balkon - und e Chat qui rit.

Robo-Schugger
Dr glai Robo-Schugger - vom Hääfelimärt
Wo z Nacht nümm dörf filme dänggt är syg nüt me Wärt.
Los, stellet dä aifach - uff s Tesla-Dach druff
Will sin d Düüre blockiert - macht är vo Usse uff.

KI Drohne
Unsri säggs KI Drohne - für dreyhundert Millione
Hän e glains Problem - mit em Uswyychsyschtem.
Aber für s VBS - git s kai Grund zum Schtress:
Dass es kai Umfall git - fliege zwai Heli mit.

Bitti Bätti
Wenn hunderti Kinder - sich um Wääge drängle
D Händ in d Luft schtregge - und drzue gwängle:
“Bitti Bätti - ka n ych öppis ha?”
Denn bisch an dr Fasnacht - aber au in Gaza!

Blätzbums
D Blätzbumser Behörde - mache Schtutz wie die Gschtörte
Syt e Buess bläche sött - wär z schnäll duure wött.
Also e Lappe und guet - will me s nit usshalte duet?
Esther Käller dasch gross - so machsch uss dr Fäldbärg
e Gäldbärgschtroos

Melodie: Seven Nation Army – The White Stripes
Dichteschtress
Z Basel isch s aifach nümm lessig
Überall isch es Dichte-SCHTRESSIG
- Hätsch dr Zug vrwütsche welle,
Leider schteggsch no uff dr Passa-RELLE.
- Und wottsch dr Bach abe schwimme,
Denn het s scho dreyduusig DINNE.
- Wenn Rotblau wie d Füürwehr schtartet,
Bisch du dä wo no dusse WARTET.
- Kriegsch zum Bier e Depot-Tschetto,
Darfsch grad nomol ins Aaschtoh-GHETTO.
- Goht s Liecht ab am Morgeschtraich,
Schtohsch garaniert noime im SAICH.
- Isch am Märtplatz wieder e Demo,
Vrgiss s Drämmli und gang mit em VELO.
Aber dir hän s do jo zimmlig lessig,
Und überhaupt nit Dichte-SCHTRESSIG.
- Dä neui Brandschutz finde mir toll,
Jetzt isch die Buude scho mit zwölf Naase VOLL.

Melodie: Manish Boy – Muddy Waters
Geile Siech Blues
Är bewunderet dr John Lennon,
Är schtoht uf dr Che Guevarra.
Mir alli liebe dr Eric Wäber -
Aber dr geilschti isch?

Dr Elon Musk!
Wär ka Daag und Nacht poste?
Und luegt genau so uss dr Wösch?
Het öppe 14 Goofe und/ains -
Isch e QR code?
Dr Elon Musk!
Wäm sy Auti bruucht kai Länker?
Und baut e Huffe - ganz vo n elai?
Und wär baut die exklusivschte -
Fürwärk Rakete?
Dr Elon Musk!
Wär meint är haigi dr höggschti IQ?
Und macht America healthy again?
Und wär beschützt d Fraue -
Ob sy s wänn oder nit?
Dr Elon Musk ! (Publikum)
Nai! So geil isch nur dr Donald Trump.

Melodie: Petra Sturzenegger - Stubete Gäng
Karin Käller Sutter
Karin Käller Sutter, Karin Käller Sutter,
Dr Trump het di nid welle,
Het di nid welle ums Vrregge.
Karin Käller Sutter, Karin Käller Sutter,
Hesch “dys Beschte gäh”,
Aber gmacht het s dr Parmeläh.
Du bisch die schönscht in unsrem Bundesroot,
Alli hän ghofft dass dr Trump uff dy schooht.
Aber du bisch ebbe au no schlau
Und erklärsch ihm d Wält drum ganz genau.
Drby gohts ihm bim Zoll numme umme Schtutz,
Y dängg sy Muure bruucht e noie Vrputz.
Du hesch nid welle loose,
Drum isch dr Deal in d Hoose.
Karin Käller Sutter, Karin Käller Sutter,
Dr Trump het di nid welle
Het di nid welle ums Vrregge.
Karin Käller Sutter, Karin Käller Sutter,
Dr´wohri Grund für d Kryyse,
Du hesch die geiler Fryyse.