Bebbi Bängg

Basler Schnitzelbägg

Familie M. Steiner 2025

D'Heimsyte vo dr Familie M. Steiner: http://www.fam-m-steiner.ch/

bim läse und au sunscht nääbebi, hilft e bitzli Friide als Melodie

unsere Refrain:
D Familie Steiner das sin mir Vier,
mir dringge Whisky, mir dringge Bier,
und au e Waggis das hän mir gärn,
jä so sin mir halt mir vier.


Mir hän uns letscht Joor wägem ESC gfreud,
nur unsre Opi dä het s grad bereud.
Är het drum gwettet, wenn d Schwiz das hei bringt,
är in däm Kittel do singt.

D Mamme het bim ESC welle singe,
si wurd näbem Gwicht au sunscht viil mitbringe.
E liebi schöni und luschtigi Frau,
und Bartwugs hani au.

Dr Nemo dä het dr ESC gwunne…
Die Nemo die het dr ESC gwunne…
Das Nemo das het dr ESC gwunne…
D Schwiz die het dr ESC gwunne,
ändlig schiint für uns wider d ESC Sunne.
Und griege mir bim Dschendere au no dr Rangg,
wird uss uns e Spitzebangg.

In Thailand droot Knascht wenn di bim König nit buggsch,
z Muttenz zaalsch e Buess falls öbber seht wie du spuggsch.
Dr Jung het miesse spugge und e Buess riskiert,
är het Dubai-Schoggi probiert.

Är luegt uns aa und het s grad begriffe,
dr Zöllner seht mir sin im Dütsche go kiffe.
S Guete dra isch, dass es d Wirtschaft nit drifft,
well s Boschte hän mir versifft.

Dä Schuemacher Ralf seit är sig schwuul,
syg wie de wottsch mir finde das cool.
Ob är das scho lang isch mir wüsse nit mee,
aber händr moll d Exfrau gsee.

Dr Opi wott schnäll die 13. AHV Ränte,
är schribt dr Baume-Schneider, däre laamende Änte.
I bruch das Gäld well scho wider in e baar Stund,
s neuscht FCB Shirt uuse kunnt.

Rächti Parteie die sin scho derbi,
und setze für d Wahle voll uff KI.
Wenn das dene hilft, denn ka, ganz nääbebi,
KI garnit so gschiid si.

Dr Xaka dä het sich Eigehoor lo iipflanze,
im Eric Wäber däm gfallt jetzt das Ganze.
Au är wott uff em Kopf wider volls Hoor dä Wicht,
well oobe isch är nit ganz dicht.

Die Rächte die schiesse wie Pilz jedes Joor,
und eine verschiesst denn sogar e rächts Ohr.
Wottsch s friidlig ha denn isch dä Tipp do nit schlächt,
seisch deheim Schatz du hesch rächt.

Syg wie de wottsch au mit Hoor zum gruuse,
Syg wie de wottsch und loo nur Schissdrägg uuse.
Syg wie de wottsch au mit Drägg an de Händ,
wirsch zweimool Brésidänt.

Dr Assad isch gflüchtet in s Putinland,
mir hän recherchiert s Resultat isch frappant.
Si liide beidi mit de gliiche Symptom,
am chronische Anus Syndrom.