Wyybuure 2017

Menü:
»Wyybuure
»2024
»2023
»2022
»2020
»2019
»2018
»2017
»2016
»2015
»2014

D'Fäärs mit Helge vo de Wyybuure kasch uff https://wyybuure.ch/2017/ aaluege.

Dangg der Handschlaagverwaigerig, sinn mir so wyt:
D Schuele steen voll im Bliggpunggt vo de Lyt.
Letschti im Handi, isch d Bolizei grad erschyyne,
Wo bim Baschtlen e Bueb lut gsait het: "Ich muss-liime!"

"Notruef, Eschemoser..."
"Sii mien mi go hole, es isch wirgglig schlimm,
ha nämmlig e Snowboard, i mim Schädel drinn!"
"Wie isch dä Unfall bassiert? Dängg verruggt abeblocht?!..."
"Nai, ha bi Amazon e Snowboard bstellt und e Drohne het s brocht."

D Regierig vom Kanton Jura, hets letschti brobiert
und het glatt bim Wessels e Wunsch deponiert.
Zem s Budget ufbessere hätte die Gselle,
gärn der 6er nach Delémont verlengere welle.

"Du Hans, bisch du aigentlig mit dim Tesla zfriide?"
"Hejo, das Auti ka alles!" - "Jetz duesch yybertriibe!"
"Naai: Parggiert ellai, faart ellai und zem guete Räscht,
Goot är, wenn ich nid grad mag zer Frau ins Näscht!"

E Grippe mit Fieber: 4 Cüpli am Daag.
E Maageverstimmig: 6 Cüpli am Daag.
E Blinddarmentzindig: 8 Cüpli am Daag.
E Bronchialverschlyymig: 12 Cüpli am Daag.
An däne Rezäpt gseet me guet was bassiert,
wenn der Guy Morin wiider als Arzt praggtiziert.

"Sali wie gohts" - "Du, muesch jetz lose:
Bim Schwimmen im Rhy, krieg ich am lingge Bai
E Grampf und ich dängg: I kumm nie me hai.
I schaffs no zer Boje - heb mi dra wien e Rind...
Do mergg i – gopferdeggel – dasch jo im Baschi Dürr sy Grind!"

Mir Wyybuure folge halt am neischte Trend,
wo praggdisch jeede us em Internet kennt:
Me blyybt vellig reegigsloos,.... das isch seer witzig
und haisse duet s Ganzi: "Regierigsrootssitzig."

"Häälooo...ohhh..."
"Jä, was isch mit dir los, bruchsch du ägscht e Kuur?"
"Nai, ich bruuch glaub am beschte e Intimrasuur!!
Ha im Pissoir schnäll aabegluegt, was fyr e Schand!
Dä gseet genau glych us wie der Donald Trump!!"

"Mi Frau sait immer derfyr,
myn syg wie der Baschi Dürr."
"Jä isch denn dynen eppe kaal?"
"Nai, aber au nuur die zwaiti Waal!"

2 mol 3 git 4, widewidewitt und säggs git 13.
8 durch 2 git 5, wudiwudiwuud und 3 git 12.
Minus 8 git drey, schubidubidu mol 2 git 20.
S Ganzi denn mol 8 lalalalala – das isch der Plausch.
Mir rächne zämme, judihei judihui judihoi juchee!!
Fyr d jodi jodi Jooreskarte vo unsrem FCB, Jeeee!!

"Das Bild do isch schregglig, daas isch e Skandaal.
E Fiidle wo zueggläbt isch, hängt yberall.
Woorschynlig goots do um Hämmorhiden am Schyyn a..."
"Naii, das uf däm Plakat isch doch nur der Maik Shiva!"

D Polizeioffizier derfe nimm gratis go ässe,
Das isch doch dernääbe, jä s isch zem vergässe.
Jetz steen die am Mittag bi uns, dasch jo gspunne,
Im Garten ums Vogelfuetterhysli umme.

"Obwool mi d Bank gwarnt het, bin ich volli Kanne,
Imme Änggeltriggbetrieger voll uf e Lyym gange.
Jetz längt mir s Gäld nid eimol fyr nei Schue."
"Du hesch jo gar kaini Änggel" - "Jo das kunnt no derzue!!"

S BAG het doch e Sex-Umfrog gstartet,
Wie d Schwyzer denn Sex hänn, jä uf das hänn mir gwartet.
D Walliser haige s am liebschte anal
Und d Nidwaldner am liebschte vorussen im Tal.
D Wadtländer stelle glatt die maischte Freier,
D Basler bevorzugen e flotte Dreier.
Und lut däre Studie, haigs vo allne Schwyzer,
In der Stadt Ziiri schyyns die maischte Wichser.

Wessels‘ Drämmli-Parade

Uf em 7te Platz höre mir e bekannts französischs Volkslied:

"Sur le Pont d Avignon,
Wessels dance, Wessels dance.
Sur le Pont d Avignon
Il y a un Tram et un Millon."

Uf Platz 6 höre mir jetz der Trafic Deutscher mit sim Läbenshit:

Wotsch du ebbis, unbedingt...
Tram Tram, Tram Tram.
Denn ziehs voll duure, au wenn s zum Himmel stinkt.
Tram Tram, Tram Tram.
Trotz em Basler Zytigsbricht,
Haltet der Wessels immer no dicht.
Alles, alles kunnt scho guet,
Wenn me s schmiire duet.

Us Schwede d Guppe "ABBA Hallo... das goot jo gar nid" mit ihrem Hit uf Platz 5:

Monney Monney Monney
it's so funny
In a Wessels World.
Monney Monney Monney
a Million zaal i
Aber not vo mim Geld!
Ojeeeeeee mineeeeeee
Hets de Franzosee versprocheeeeeee
Das Monney Monney Monney
Und das vo unserem Gäld.

Uf Platz 4: Us der Italoszene: Der Andi Pasti mit sym Eurovisionhit:

Hasche versproche Millione denn halte di dra.
Das sage mi Unggle und Cousin von de Mafia.
Wessel du kenntisch sy Teil vo der Cosa Nostra.
Doch die wichtigschte Regle die giltet in ganz Italia:
Pagare ohoh
Pagare ohohohohhh
Und im nu,
do gsesch denn nur blu
und gly spyyrsch du
am Basler sy Schuh.

Uf Platz 3: Der Gaston Yberschlag mit sym Gassehauer "Frankreisch Frankreisch":

Frankreisch Frankreisch
Mit dem Franken wern wir reisch.
Frankreisch Frankreisch
Mit dem Franken wern wir reisch.
Ein Tram, Saint Louis, Wessels, un Million... ohlalalalalala!!!

Uf Platz 2: Ein vo de greeschte Schlagerhits in der neue 3er-Drämmli-Version:

Zwai kleini Franzoose
Im Drämmli nach Saint Louis.
Das Dramm hänns zwor nid welle und trotzdäm, sii sitze dri.
Dert sitze sie ellei dinn und mache sich brait.
Son es Raisli Basel - Saint Louis
Koschtet vyl, au nur zu zwait.
Und das Auti vo de baidne
Stoot ellai im "Park and Ride".

Uf Platz 1: Diräggt us der Gulaschkanone gschosse, der Karl Gott mit aim vo syne greeschte Hits:

Einmal eine Tram bestellt...
Und die Taschen voller Geld.
Davon hat der Wessels schon als Bub geträumt!!!