Bebbi BänggBasler Schnitzelbägg |
|
nonnkonform 2020
Dr liebi Gott luegt zuen is, är isch unsre Wächter,
Doch laider wird dr Droot zuen em als wie schlächter.
D Leesig straalt bald obenaabe, wirsches gsee:
Bi uns im Glooschter wird e Mascht baut mit 5G.
S git Mensche wo maine en Impfig syg Saich,
Und Maaserepartys, die hälfe de Kinder.
Si dängge 5G machi s Hiirni voll waich
Und s Bluet vo Veganer hailt Gräbs in de Grinder.
So Bleedsinn go z glaube isch gaischtig banggrott,
Vernunft unser Motto, und wisse: «s git Gott!»
S WEF wird fuffzig und dr Trump isch mit derbyy,
«I am your Eeregascht, i laad mi sälber yy»
Do kunnt e Maitli nätt und sait: «Hello I’m Greta»
«Isch nit woor», sait do dr Trump: «I’m no vyyl greater!»
Dr Find vo dim Find isch, rain logisch, di Frind.
Und vyyl Findes-Finde gänn als wie mee Frinde.
Es heebe sich d Woog d Aazaal Frinde und Find,
Doch menschlig wärs doch, wenn sich Frinde dien finde.
Mir zaigen eich d Logik, butzt, gstriiglet und gsträält,
Und glyych wird, muesch luege, dä Trump wiider gwäält.
D Schweschter Fränzi het e fiises Fieber kaa.
Isch ächt Corona, oder het si gaar e Maa?
Nai, d Ergläärig doderfiir, de wiirsch grad blasser,
Isch dä gräbserregend Drägg im Haanewasser.
Letschti, s isch druurig, het d Notre Dame brennt,
Nit ganz eso wichtig: Australie au.
E Virus wo nit nur dr Bierdringger kennt,
Es herrscht Angscht und Schregge, d Frau Fasnacht sait «Tschau»
Jä d Wält goot jetzt unter und s kunnt s jingschti Gricht.
Mir kemme in Himmel und dir sind bald Gschicht.
Die hyttig Kolläkte, dr Zwägg isch soziaal,
Mir sammle ganz flissig in unserem Glooschter.
Fir Schwelleländer mit weenig Moraal.
D Banggdaate findisch uf unserem Pooschter.
Und d Spände, die geen denn, es isch e roots Duech,
Vo Ammel bis iibere nach Scheenebuech
Bi dr Umwält steen mir Mensche unter Zuugzwang,
D Greta proteschtiert drum jetzt au no im Zuuggang.
Au d Franzoose sin bim Klimaschutz derbyy
Und si stelle dr Verkeer drum komplett yy.
Viva la Vulva, Vagina und Schoss,
Mumu, Schnägg, Schaide und Gläpperen au.
Klitoris, Schaamlippe winzig bis gross;
Dä Väärs kämpft fir Glyychhait und d Rächt vo dr Frau.
Mee Fraue nach Bärn, los, es isch heggschti Zyt,
Nur d Blocher-Martullo, die bruuchtis deert nit.
Dr Freddy Nock dä stiirzt vom Sail diräggt ins Gfängnis,
Bim Royal, jä deert wird s Gäld zum Verhängnis.
Em Beat Breu si nei Projäggt isch scho antygg,
So vyyl Zirkus bietet nit mol d Politygg.
Root wäält grien, grien isch au d SVP
Und s C vo CVP wird in vier Joor e G.
Au d FDP git nooch und blybt so bi de Lyt
Und dorum ändret sich jetzt ändlig – aigentlig nyt.
Jo, das isch die grieni Wälle
Das isch die perfäggti Waal,
D Klima-Jugend isch am bälle
Doch em Räscht isch das egal.
Das isch die grieni Wälle
Das isch die perfäggti Waal,Dr liebi Gott luegt zuen is, är isch unsre Wächter,
Doch laider wird dr Droot zuen em als wie schlächter.
D Leesig straalt bald obenaabe, wirsches gsee:
Bi uns im Glooschter wird e Mascht baut mit 5G.
S git Mensche wo maine en Impfig syg Saich,
Und Maaserepartys, die hälfe de Kinder.
Si dängge 5G machi s Hiirni voll waich
Und s Bluet vo Veganer hailt Gräbs in de Grinder.
So Bleedsinn go z glaube isch gaischtig banggrott,
Vernunft unser Motto, und wisse: «s git Gott!»
S WEF wird fuffzig und dr Trump isch mit derbyy,
«I am your Eeregascht, i laad mi sälber yy»
Do kunnt e Maitli nätt und sait: «Hello I’m Greta»
«Isch nit woor», sait do dr Trump: «I’m no vyyl greater!»
Dr Find vo dim Find isch, rain logisch, di Frind.
Und vyyl Findes-Finde gänn als wie mee Frinde.
Es heebe sich d Woog d Aazaal Frinde und Find,
Doch menschlig wärs doch, wenn sich Frinde dien finde.
Mir zaigen eich d Logik, butzt, gstriiglet und gsträält,
Und glyych wird, muesch luege, dä Trump wiider gwäält.
D Schweschter Fränzi het e fiises Fieber kaa.
Isch ächt Corona, oder het si gaar e Maa?
Nai, d Ergläärig doderfiir, de wiirsch grad blasser,
Isch dä gräbserregend Drägg im Haanewasser.
Letschti, s isch druurig, het d Notre Dame brennt,
Nit ganz eso wichtig: Australie au.
E Virus wo nit nur dr Bierdringger kennt,
Es herrscht Angscht und Schregge, d Frau Fasnacht sait «Tschau»
Jä d Wält goot jetzt unter und s kunnt s jingschti Gricht.
Mir kemme in Himmel und dir sind bald Gschicht.
Die hyttig Kolläkte, dr Zwägg isch soziaal,
Mir sammle ganz flissig in unserem Glooschter.
Fir Schwelleländer mit weenig Moraal.
D Banggdaate findisch uf unserem Pooschter.
Und d Spände, die geen denn, es isch e roots Duech,
Vo Ammel bis iibere nach Scheenebuech
Bi dr Umwält steen mir Mensche unter Zuugzwang,
D Greta proteschtiert drum jetzt au no im Zuuggang.
Au d Franzoose sin bim Klimaschutz derbyy
Und si stelle dr Verkeer drum komplett yy.
Viva la Vulva, Vagina und Schoss,
Mumu, Schnägg, Schaide und Gläpperen au.
Klitoris, Schaamlippe winzig bis gross;
Dä Väärs kämpft fir Glyychhait und d Rächt vo dr Frau.
Mee Fraue nach Bärn, los, es isch heggschti Zyt,
Nur d Blocher-Martullo, die bruuchtis deert nit.
Dr Freddy Nock dä stiirzt vom Sail diräggt ins Gfängnis,
Bim Royal, jä deert wird s Gäld zum Verhängnis.
Em Beat Breu si nei Projäggt isch scho antygg,
So vyyl Zirkus bietet nit mol d Politygg.
Root wäält grien, grien isch au d SVP
Und s C vo CVP wird in vier Joor e G.
Au d FDP git nooch und blybt so bi de Lyt
Und dorum ändret sich jetzt ändlig – aigentlig nyt.
Jo, das isch die grieni Wälle
Das isch die perfäggti Waal,
D Klima-Jugend isch am bälle
Doch em Räscht isch das egal.
Das isch die grieni Wälle
Das isch die perfäggti Waal,
Schiss uf Auti und Zuug
Nimm der billiger Fluug!
Jo, das isch die grieni Wälle
Das isch die perfäggti Waal,
D Greta isch am bälle
Doch dr Noochgschmagg, dä isch faal
Das isch die grieni Wälle
Das isch die perfäggti Waal,
Gletscher hän doch kei Charme,
Mir häns lieber biz warm.
Mainsch das het Potential
Mit däm Grien-Liberal?
Denn kunnt d Wälle an Land,
Isch si fiin wie dr Sand.
Jo, das isch die grieni Wälle... gsi!
Schiss uf Auti und Zuug
Nimm der billiger Fluug!
Jo, das isch die grieni Wälle
Das isch die perfäggti Waal,
D Greta isch am bälle
Doch dr Noochgschmagg, dä isch faal
Das isch die grieni Wälle
Das isch die perfäggti Waal,
Gletscher hän doch kei Charme,
Mir häns lieber biz warm.
Mainsch das het Potential
Mit däm Grien-Liberal?
Denn kunnt d Wälle an Land,
Isch si fiin wie dr Sand.
Jo, das isch die grieni Wälle... gsi!